VGAYET (SIWEL) — Akken yella deg ttiεad wass-a 28/01/2021, 07 imeɣnasen n timunent Teqvaylit d 31 imeɣnasen nniḍen (Ḥirak) ivedden i tikkelt tis snat deg uxxam n teɣdemt tazzayrit tamesvaṭlit di Vgayet.
Ayen yeḍran tasebḥit wass-a, lawan ucaraε n yimeɣnasen, aṭas n yiqvayliyen n timunent n umussu n MAK W i d-yerzan i wakken ad vedden ɣer yidis imeɣnasen-a. ɣef lewhi n 08:45 mlalen-d imeɣnasen, dduklen-d deg umkan akken mesfhamen syin ṭṭfen avrid-nsen srid ɣer uxxam teɣdemt, ddan kra almi i ten-id-quvlen temsulta tamhersant, seɣlin-d fell-asen lḥers d averkan, ddmen azal 50 imeɣnasen ɣer uxxam n temsulta (lkumisarita) rnan llan imeɣnasen yettwawten deg umkan anda ttwaṭfen gar-asen Syfaks At Ḥmed. Ayen i isewhamen, d vava-s Riyad Ḥemcac i d-yusan ad yeḥder acaraε n mmi-s ur yeslik ara, anda rẓan-as ula d tilifun-ines. Llan imeɣnasen yettwawten daxel Lkumisdariya am Mestafa Ɛekkuc d yiwen umeɣnas nniḍen i wumi qqaren Raḥim. Γef lewhi n 12:30 imeɣnasen yettwaṭṭfen, yella-d userraḥ-nsen akken ma llan.
Adavu amhersan, iseqdac akk ttawilat n lḥers akken ur d-yettvan ara yisem LE MAK di tmurt taqvaylit, yekkat s wayen yezmer akken ad isaged, ad irreẓ amennuɣ ɣef Teqvaylit i yimeɣnasen n timunent. D acu kan, dayen ɣer wacu ur ssawaḍen ara sekkud yella levɣi n timeɣnest deg wul n yiqvayliyen.
- Tilelli i yimeɣnasen n tlelli
- Ad tidir Tmurt Taqvaylit deg tmunent n tlelli.
- Aserraḥ s lεejlan i yimeɣnasen i yellan deg lḥevs n tmehersa tazzayrit.
Ama@sin
SIWEL 281730 JAN 21