CEC n MAK-Anavad : « Taqvaylit ur tuḥwaǧ ara kra n uẓayer maca Awanek »
GOUVERNEMENT PROVISOIRE KABYLE
MOUVEMENT POUR L’AUTODÉTERMINATION DE LA KABYLIE
MAK-ANAVAD

ASQAMU N UKTAZAL D USEFQED
CONSEIL D’EVALUATION ET DE CONTROLE

 

Timlilt i d-yellan ass-a 09/12/217 n Usqamu n Uktazal d Usefqed CEC n MAK-Anavad d yimeɣnasen-nniḍen n umussu, seld mi d-yella usqerdec n wawal s telqey ɣef tedyanin i d-yufraren taggara-a deg Tmurt n Yiqvayliyen ladɣa deg tesnawiyin d tesdawiyin ɣef temsalt n tmaziɣt i yugi udavu amhersan n Lezzayer, asqamu igzem-itt di rray ad yili ɣer tama umussu-a s tiɣri i timunent n Tmurt n Yiqvayliyen d usnerni n Teqvaylit.

Ad d-nesmekti dakken d amennuɣ n MAK-Anavad i iḥettmen adavu n Lezzayer akken ad yerr Tamaziɣt d tutlayt taɣelnawt deg useggas 2002, syin d tutlayt tunsibt deg useggas 2016.

Ma yella d Taqvaylit ur tuḥwaǧ ara ad tessuter kra n uẓayer i udavu amhersan azzayri, acku deg Tmurt Taqvaylit tamunant d nettat ara yilin d tutlayt taɣelnawt tunsivt n uɣref Aqvayli.

Γef waya i ilaq ad nesvedd Awanek Aqvayli d Umni Aqvayli, asmi ara d-mlilent akk tewtilin i iwulmen i usbeddi-nsen. D ayen iɣef yettnaɣ Unavad Aqvayli Uεḍil GPK i yellan deg yinig.

S wakka, tisqamuyin tisdawanin n MAK-Anavad, ttwanecdent akken ad ttekkint deg umussu-a u ad as-fkent afud akken ad yessiweḍ ɣer yiswi-s yerna s uvrid n talwit.

Amussu-a aɣerfan Aqvayli i d-ineɣlen ɣer yiverdan, d ayen i d-isvegnen tissas d lḥir n levni n Uwanek Aqvayli.

Akken daɣen, MAK-Anavad iger tiɣri i uɣref Aqvayli akken ad yili di ttiɛad deg tikliwin ara d-yilin ass n 12 Yennayer deg Tmurt n Leqvayel, ilmend usfugel n useggas amaynut n Yimaziɣen 2968 akken ad d-nɛeggeḍ akken ma nella : Ih i timunent n Tmurt n Yiqvayliyen.

TAQVAYLIT N WASS-A, D AWANEK N UZEKKA

Tamurt n Yiqvayliyen, 09/12/217

Mass Mulud Mebarki
Aselway n CEC

SIWEL 092316 Dec 17 UTC

CEC du MAK-Anavad : « La langue kabyle a besoin d’un Etat et non d’un statut »

Partager ceci...

Laisser un commentaire