AT DWALA (SIWEL) — Asmekti n tmettant n yiwen yitri i d-yefkan ṭṭiya i umezruy n tefriqt ugafa, ass-a tuɣal-as tejmilt deg At Dwala di twilayt n Tizi-Wezzu, ihi ddu-ted yid-nneɣ ad t-walim amgarad-agi, ad tisinem xerṣum d anwat urgaz-agi.

Am yal aseggas, tiddukla ‘’IMAC Ʃmer » n taddart n At Mesbaḥ, tettkared s tebɣest akken ad terr tajmilt i ubabat asertan, ameγras, I yekkin deg uslal n Yitri n Tefriqt Ugafa deg useggas n 1926, i d-inejren abrid γer timunent tmurt, akken daɣen llan yid-s yiεeggalen niḍen igejdanen deg umussu aɣelnaw lawan-nni.

IMAC Ʃmer, d win illulen deg useggas 07 Yulyu 1895 deg taddart At Mesbaḥ di tɣiwant n At Dwala tawilayt n Tizi-Wezzu yewweḍ leεfu rebbi ass 07 Furar 1960.

Tajmilt, tettuγal-as am yal aseggas, deg tesnawit, i wumi yettunefk yisem-is yakan deg tlemmast n tɣiwant n At Dwala. Tin n useggas-a tuɣal-as ass-nni n 07 Furar 2017, s yiwen leqdic d amerkanti. Tasebḥit n wass, yella-d us-terḥeb n waṭas n lγaci, ikemmel wahil anda s lmendad n tiddukla tella-d trusi n tmuqqit n yijeğğigen ɣef uẓekka-ines.

Ma d tameddit n was, yella-d yiwen n usarag id-yefkan udem yelhan i tejmilt, anda i d-yewwi umaru n tgemmi taqbaylit Racid Ulebsir, yella γer tama-s yiwen n urgaz d aqeddac ɣef yidles, d amaru, d bab n uskasi deg tiliẓri BRTV, wagi d mass Muqran Gacem.

Wid i d-yusan ḥedren i usarag-agi gar-asen amaru Yunes Adli, dɣa ur yelli ara di ṭṭabla n usarag d uskasi imi yuḍen, aselway n tɣiwant n At dwala, tawacult n Guermaḥ Massinisa, d waṭas n wudmawen id d-yussan ama d imazrayen d yimyura akked tddukliwin d yisquma n tsertit.

Akka nesleḥqed ɣer tagara n tejmilt i uzamul IMAC Ʃmer, d yiwen seg irgazen i d-yefkan tafat i umezruy, d win inuɣen ɣef tmurt, ass-a yuklal ma tuɣal-as tejmilt, d asmekti i bab n tegrawla d umezruy.

Ghilas Abdous
SIWEL 111530 FEV 17

Partager ceci...
Tuɣal tejmilt i uzamul Ʃmer Imac deg At Dwala
Click to comment

You must be logged in to post a comment Login

Leave a Reply

Haut