IDLES (SIWEL) — Ggtent tdukliwin i d-yettlal i usnernni n uḥric n leqdic s umata, gar-asen-t yiwet n tiddukla yesduklen timetti d wazalen-is n taddart n Tagruğa di temnnaḍt Ukfadu i di begsen iman-is ɣer unnar n leqdic adelsan, s tallelt n yilemẓiyen yeffuden tinekkit-nsen, ddut-d yid-neɣ deg umagrad-agi ad tisinem tiddukla d leqdicat-is.
Tiddukla-a n taddart n tegruğa tluled deg wass 03 deg wayyur Meɣres 2016 anda yella ɣef uqerruy-is d aselway yilemẓi Yazli Karim i yeččuren d asirem, ad nebder daγen iεeggalen-is i yellan d ilmeẓyen ula d nutni, yella mass Touati Samy, Boudjemaâ Khaled, Yazli Ghilas, Kouk Djamel, Touati Ghilas, Touati Zahir, d wiyaḍ.
Tiddukla-a d tin iqqedcen deg taddart d temnaḍin iy-ased yezzin, d tamiwin niḍen deg tmurt Leqbayel, γas tiddukla d tilemẓit maca leqdicat-is meqqer-it, gar-asen ad nebder tameɣra n taddart id-yettilin yal anebdu anda ttaran arazen i wid irebḥen 5éme, BEM, BAC, Licenc, yettili-d umezgun d ccna anda ttafen tagnit yilemẓyen id yettkaren ɣer ubrid-agi n tẓuri,…
War ma ttuγ yiwen n leqdic s wazl-is anda i d-yettili umεiwnen ɣef usuddes n temliliyin n tiɣiwanin γef useḥbiber n yimuḍan deg tama n Ukfadu akked tiddukla Tiziri n Ferḥun idi theggin yal aseggas tafska n ukeffadu.
Tiddukla agi n Tagerruğt Tagruğa d tin i yeẓẓan asirem deg ulawen n ilemẓyen i-di begsen ɣer leqdic i wakken ad snernin idles aqbayli, s tebɣest i tni-zedeɣen, d tmusni yettanadin fella-sen.
Taddart n Tegruğa d tamenzut deg temnaḍt n Ukfadu i d-yefkan aṭas n inaẓuren gar-asen mass Bussεid i yellan d amedyaz n ufennan Hamid Aεiban (Kacimi), Dani Touati d amedyaz i d-yessazergen acḥal n wammuden n yisefra.
Taddart n Tegruğa d agerruj s yilemẓyen i tekseb, ara yesseḥbibren fell-as wad-as mudden azal d ccan s tegmat s tallelt n tdukla-agi tagerrujt.
Ad kfuγ s yisenfaren i d-ttheggi tiddukla n Tegruğa i yeccudden ɣer yidles, tawenaḍt, addal, d wayen ara-d yawwin cci d rbeḥ i taddart s umata
Ghilas Abdous
SIWEL 262030 JAN 17