Culture

Taẓrigt tis 15 n tfaska n tmedyazt n Udrar n Fad deg At Smaɛel

TAFASKA (SIWEL) – Am yal aseggas, send ad yaweḍ wayyur n meγres, tidukla tadelsant “Adrar n Fad” n tγiwant n Ayt Smaɛel, agezdu n Bgayet, deg tmurt n Yiqbayliyen, tegared tiγri i tmedyazin d yimedyazen, ad kkin deg tfaska i d-tessudus, i yettuγalen d tajmilt i Dda Lmulud amussnaw, i wugar n yisallen, ddut-d yid-neγ deg umagrad-a.

Almend n tfaska tis 15 n tmedyazt, tidukla tadelsant Adrar n Fad, tessawal-d i yimedyazen d tmedyazin n teqbaylit d wat yiles amaziγ sumata, i wakken ad kkin deg tfaska-a, ara d-yilin seg 23 γer 26 deg ayyur n meγres 2017, deg tγiwant n Ayt Smaɛel.

Wid, tid yerran ad kkin, yewwid fellasen, ad ceyɛen kraḍ n yisefra yettwarun s yisekkiln n tlatinit, talγa n uselkim, wad taznen γer tansa-a: acafdz@yahoo.fr neγ Tel Fax 034 39 00 90. Anecta ilaq ad yili send n was n 26 deg ayyur n fuṛar.

Ugar tamedyazt ad ilin leqdicat niḍen, ama d isaragen neγ d iskasiyen γef tudert d leqdic n Dda Lmulud At Mɛemmer. D tafaska ara d-yilin s lmendad n uprufisur d umaru Kamal Buɛemmara i yuran asegzawal amenzu ‘’Issin, Taqbaylit s Teqbaylit’’, d yidlisen niḍen i d-yernan cbaḥa i tsekla-nneγ.

Ad nesmekti d akken tafaska n tmedyazt i d-tessudus yal aseggas tidukla n udrar n fad n ayt smaɛel, d tin yebdan tikli seg useggas n 2003, d tajmilt i umussnaw yettwanγan deg n 26 deg fuṛar 1989 imi d-yuγal seg tmurt n lmerruk anda iga kra n yisaragen, waggi d Dda Lmulud n At Mɛemmer.

Γas ulac-it yella, sgunfu deg talwit a Dda Lmulud. Teγzi n tudert i tdukli n udrar n fad, i yuran isem-is s yisekkilen n wureγ deg umezruy n tnekkit d yidles-nneγ.

Akli Muhubi
SIWEL 182320 Feb 17

Partager ceci...
Taẓrigt tis 15 n tfaska n tmedyazt n Udrar n Fad deg At Smaɛel
Click to comment

You must be logged in to post a comment Login

Leave a Reply

Haut