PARIS (SIWEL) — Tuqqna n MAK n Fransa talemmast i d-yessawlen i tuɣalin n temliliyin n yiqvayliyen ɣer uvraḥ n Stalingrad deg wussan n acer ( lḥedd) mi ḥevsent seg yilendi sebba ukman ɣef waṭṭan Covid-19 i d-yeɣlin ɣef Tmurt n Fransa.
Ass-a 28/02/2021, yella-d unejmuε deg Stalingrad anda aṭas n yiqvayliyen i d-yerran i teɣri, imeɣnasen yettidiren di Tmurt n Fransa, d widak ivedden ɣer yidis imeɣnasen n umussu n timunent n tmurt taqvaylit i yellan deg lḥevs n Lezzayer tamhersant am Lwennas Ḥemzi, Ǧamal Azeεim d Lyas Mebarki; akken daɣen i t-id-nnan deg wawalen , ad kemmlen deg usiwel i tuddsiwin tigrɣalinin i yesḥviviren ɣef yizerfan n umdan ad d-skecment iman-nsent akken ad d-yili userraḥ s lεejlan i yimeɣnasen-a.
Awal deg temlilit n wass-a, yezzi ɣef yimeɣnasen i wumi d-ssawal taɣdemt tazzayrit tamhersant anda i d-fkan tiɣri i yeqvayliyen ad sezdin tagmat deg wannar akken ad ilin ɣer yidis imeɣnasen i yettεeddayen deg ccraε d yimeɣnasen i yettεedday lḥers deg tmurt.
Tiɣri i yiqvayliyen ladɣa wid yettidirin di tmurt n Fransa, ad ilin s tuget yal mi ara d-yaweḍ ttiεad n unejmuε deg Stalingrad akken ad d-fken afud i umennuɣ ɣef timunent n tmurt Taqvaylit d yiveddi ɣer yidis yimeɣnasen n yiqvayliyen i yellan ddaw lḥers n lezzayer tamhersant.
Am@sin
SIWEL 282050 FEV 21