YENNAYER (SIWEL) — Γef wakken neẓra deg yiẓedwa inmettiyen deg wanda zzuzren kra n imeγnasen n Teqbaylit yiwen n wulγu, i d-yeggren tiγri i yeqbayliyen ad d-aγen deg ass n umenzu n Yennayer xerṣum yiwen n udlis seg yedlisen i d-yettefγen s tuget tagara-a s tutlayt Taqbaylit, deg iswi n usnerni n tsekla-nneγ, d uwellah n yemdanen ad d-γren s tutlayt-nsen, ad d-nesmekti d akken tigawt-a d tin yebdan ilindi, ḍefret ulγu.

 

Yiwet n temdakkelt, d tamarut, tenna-yi-d dakken yeshel ad nesnerni ulzuz n udlis aqbayli, imi neẓra dakken tagnit ur tessefraḥ ara : idlisen ur teddun ara, tiẓrigin ur znuzunt ara, imyura ur rebbḥen ara …

Xuḍi, tella tifrat u yerna teshel maḍi. Ilaq kan ad d-nettaɣ aṭas n yedlisen, day a!
Ihi, ass amenzu n yennayer ad rzuɣ ɣer tnedlist, ad d-aɣeɣ yiwen n wedlis n Teqbaylit. Ma yella ur ufiɣ ara win i bɣiɣ, ad t-ssutreɣ ad yi-t-id-awin, ma ulac, ad t-id-aɣeɣ s talɣa tumḍint, akka.
Deg tidet, d wa i d ixef n wugur, ihi, ilaq ad nesṭuqqet asuter, syin akkin ad nwali agmuḍ…

Llan yimyura fazzen , ttrajun kan ad ten-id-nemlil, imaɣraden iseklanen i deg ur nṛewwu acali, iɣaniben ara aɣ-yessinigen ɣer tirga ur nettfakka, awalen yezzuzunen ara ad ɣ-yeslemden tudert akken nniḍen… D igerrujen, ilaq kan ad nadi fell-asen.

Ihi, ma teffeɣ akken i tt-nebɣa aseggas-a, qabel, deg ass amenzu n yennayer (12 janvier), ad d-aɣeɣ sin n yedlisen n Teqbaylit.
Ili-ken deg ttiɛad! txedmem-d tawlaft i yidlisen i d-tuɣem, tebḍum-tt-id yid-neɣ deg uɣrab n Facebook.

Akli Muhubi
SIWEL 052112 JAN 17

Partager ceci...