TAQVAYLIT TVEDD ΓEF JMAƐLIMAN

WAT WAΣVAN (SIWEL) — Ayen i d-ijevden lwelha ass umenzu n yennayer 2971 di taddart n Wat Waεvan,  d tavidyut i d-yezzuzer  yiwen umezdaɣ, d ameɣnas n Teqvaylit Lazar Bessadi ɣer  uẓeṭṭa ametti ( les réseaux sociaux), anda i d-rran kra tuɣac d tezlatin n yidles deg lǧamaε n tẓallit ilmend n umenzu n yennayer.

Deg uẓeṭṭa ametti, tavidyut-a, texdem ahtwir gar wid yellan mgal akked wid i wumi teεjev; d imelyan i tt-iwalan, aṭas wid i d-yebran i ssem-nsen mgal cɣel-ayi, sveynen-d ddɣel-nsen ladɣa mgal win i d-yezzuzren tavidyut-ayi. almi i tewweḍ taluft ɣer tenmehla n lecɣal n ddin deg ugezdu n Tizi Wezzu ( La direction des affaires religieuses) anda i d-tenna belli Tavidyut-a i yuzzlen deg uẓeṭṭa ametti d lekdev akken kan ad tserked taluft. 

Imezdaɣ n taddart n Wat Waεvan ur ssusmen ara mgal tiyitiwin-a, kra deg-sen, rran-d: « lǧamaε n Wat Waεvan n taddart, ayen ɣef wacu msefhamen imezdaɣ n taddart ur d-keččmen ara wiyeḍ deg-s ».


Aṭas wid mazal ur nefhim ara tamsalt-a n yidles akked ddin. Di tmurt Taqvaylit, akken yella deg yidles-nneɣ, d tajmaε n taddart ara iḍebren ɣef lecɣal-is, akken daɣen i  tevna ɣef jmaεliman, yal yiwen tacacit-is deg uqerruy-is, ulac aniwi ara iḥettmen i wayeḍ ad yeddu deg uvrid ur as-yeεjiven ara.

Am@sin
SIWEL 132200 JAN 21

Partager ceci...