IDLES (SIWEL) — Awal γef yiwen n yilemẓi i d-tefka teqbaylit seg udrar n fad yettwasnen s leqdicat-is yemgaraden. Wayyi d gma-t-nneγ Mhenni Xalifi i d-yefkan ayen umi yezmer i tnekkit-ines yettwagezren. Yura, yessefra, yecna, u yekki deg temliliyin d tfaskiwin i d-yettilin γef tmedyazt d tullisin, γret amagrad-a ad tisinem anwa id Mhenni Xalifi.

 

Mhenni Xalifi d yiwen n yilemẓi i d-yefka Udrar n Fad deg temnaḍṭ n At Smaɛel, ilul deg useggas n 1990. Ɣas yufa-d iman-is d ameɛḍur, ur yettekker ara, maca allaγ-is ibedd, yenjer abrid n Belɛid At Ʃli d wid icuban γur-s imi yesdukkel-iten-t i merra. Yessefra, yura, yecna, …

D amedyaz, d amaru, d aneγmas s tutlayt tayemmatt (taqbaylit) akk d tefransist deg Uγmis n La Dépêche de Kabylie, d yisebtar n Tiγremt deg La Cité, d bab n umagrad ‘‘Nnhda n acer » d yimgraden-nniḍen i d-yettawi γef yidles d waddal, timetti, adiwen-nni, yimeɛḍar d tejmilin…, Yerna d win yettekkan deg aṭas n temzizlin d tfaskiwin i d-yettilin deg tmurt n Yiqbayliyen γef tmedyazt (Tafaska n Udrar n fad) d tullisin (Tiregwa tasbeddit takanadit i tmaziγt).

Yewwi arrazen, yerna yessuffeγ-d yiwen uḍebsi n ccan azedgan s Teqbaylit anda yekki unaẓur ameqqran Zedek Mulud, yessnulfa-d arraz n umagrad ifazzen γef tudert n Dda Lwennas Meɛtub.

Ayen yura:
-Nnehda d uḥulfu, ammud n yisefra, 2014
-Asdawan deg urebbi wusan, ungal, 2014
-Nna Geltum, ammud n tulissin, 2016

Ayen yecna:
-Tifrat, d azwel n uḍebsi n cna (CD), 2015

Deg tagara ad-as iniγ i Mhenni tanemmirt tageɛmirt γef leqdic-ik, Taqbaylit tettzux yis-k, nessaram ad ternuḍ kra nudlis deg useggas-a amaynut.

Akli Muhubi
SIWEL 211818 DEC 16

Partager ceci...