VGAYET (SIWEL) — Tasqamut n MAK n Ferεun i d-yezgan deg tama unẓul n ugezdu n Vgayet, tettkemmil deg leqdicat i sewjaden imeɣnasen deg wannar deg yal aḥric.

Akken i yella deg wahil n tesqamut-a, d asemres d useqdec n teqvaylit deg wannar. Ilmend n waya, yella-d uεelleq d usenṭeḍ kra n tfilin (tilwiḥin) n yizenqan n taddart n Yickaven i yeddmen ismawen n yimukan, deg uraju ad d-wejdent tiyeḍt i tudrin nniḍen.

Leqdic icvan wa i d-yellan iḍelli tameddit 04/05/2018 deg taddart n Yickaven, nessaram ad yezzuzer akk deg tudrin d temdinin n tmurt n leqvayel, yal amkan ad as-yuɣal yisem-is s teqvaylit akken ur ttruḥun ara ismawen n yimukan yellan deg tmurt n leqvayel rnu ɣur-s ad d-qqimen i tsutiwin i d-iteddun.

gbj/wbw
SIWEL 052300 MAI 18