« MA TTUΓ AYEN IƐEDDAN, YEMMA MAČČI D TAQVAYLIT. » MAƐṬUB.L

AT WAƔLIS (SIWEL) — Imeɣnasen n Ufran-iman (MAK) n tama n Cmini, d wid yerran tajmilt i umeɣras n tefsut taverkant Beṭṭar Yasin yettwanɣan s ufus ijerdarmiyen n temhersa tazzayrit ass yecvan ass-a 21/03/2002 di tɣiwant n Cmini di Sidi Ɛic i d-yezgan deg ugezdu n Vgayet.

Imeɣnasen imunanen, ggulen s yidamen n wid yeɣlin ɣef teqvaylit neɣ ɣef tilelli, werǧin ad twattun, acku d wiyi i d-ineǧren amennuɣ d tmeɣnest i tsuta n wass-a akken ad tkemmel deg umennuɣ iɣef smaren idamen-nsen.

I usmekti, ayen s wacu i d-tegla tefsut taverkant, s 127 d ameɣras yeɣlin deg wannar n yiseɣ rnu ɣur-s nnig 5000 d imejraḥ iqvayliyen, amur ameqqran mazal ur ḥlin ara ar aas-a n wussan. Cwami i d-yeǧǧa udavu amhersan, ẓẓan deg wulawen n tevayliyen d yiqvayliyen rnu mačči dayen i wumi yezmer wallaɣ ad t-yettu.

Akken i as-yenna Maεṭub Lwennas: » Ma ttuɣ ayen iεeddan, yemma mačči d taqvaylit… » Amezruy d cfawa n wid i yefkan tudert-nsen, yessefk ad yidir deg wallaɣ n yal aqvayli. Ameɣras, ɣas ulac-it ass-a gar-neɣ, maca deg uqerruy-nneɣ yezga yedder, yuwi-d fell-neɣ ad kemmel amennuɣ-nsen.

Am@sin
SIWEL 211010 MAR 21