LEZZAYER, GAR LḤIF D LBAṬṬEL

CMINI (SIWEL) — Imezdaɣ n taddart n At Wureɣ i d-yezgan deg Cmini  d tddukla Tafrara Talsa d wid i d-ivegsen akken ad sezdin iɣallen akken ad εiwnen yiwet n tmuḍint deg taddart s ujmaε n tedrimt s wacu ara tddawi di tmurt n Turk anda i as-d-sutren azal n Umlyar d 400 imelyunen da.

Ayen i d-ijevden lbal, Imezdaɣ yetteffaɣen ɣer yiverdan akken ad d-jemεen tadrimt, ttafen uguren d imeqqranen  d temsulta tamhersant tazzayrit i ten-iḥebbsen yal tikkelt mi ara d-ffɣen ɣer yiverdan akken ad d-jemεen tadrimt; ad ten-awin ɣer lkumisariya ɣer tayeḍ akken bacu kan ad ten-ḥevsen ɣef wayen xeddmen i tmuḍint-ayi. Akken i d-yenna Tareq At Sula s yisem-is d aselway n tdukkla tadelsant n taddart-is:  » Mi d-neffeɣ nekkni s yimezdaɣ akken ad nεawen tamuḍint ad aɣ-ḥevsen, ma d wid ijemεen tadrimt i lejwamaε neɣ d iverraniyen isuturen yal ass  idrimen deg yiverdan i  lɣaci ttaǧǧan-ten xeddmen akken bɣan… » 

Ad nger tiɣri ladɣa  i yimezdaɣ n Cmini  d yiqvayliyen s umata   i tddukli afus deg ufus alma tettwajmeε-d tedrimt i as-ilaqen i tmuḍint i wumi nessaram ccfa s lεejlan.

εiwnet-aɣ laεnaya-nwen

Am@sin
SIWEL 240850 JAN 21