IVEDDI ƔER TAMA N UMEƔNAS LWENNAS ḤEMZI

TAMURT TAQVAYLIT (SIWEL) — Amaru-ameɣnas-aneɣmas Ɛebdennuṛ Ɛebdeslam ula d netta iveggen-d iveddi-is ɣer yidis n umeɣnas « Lwennas Ḥemzi » i yettnaɣen s uvrid n talwit ɣef uzref agraɣlan « Afraniman » swayes ara tettunefk tegnit i ugdud Aqvayli ad yefren avrid ara t-yessuffɣen ɣer tafat.

Asirem-nneɣ d akken imeskaren (Auteurs), ineɣmasen, d yimeɣnasen iqvuṛen d yimaynuten, ad d-xedmen am mass Ɛebdennuṛ Ɛebdeslam. Ad refden tawlaft n Lwennas Ḥemzi d tewlafin n yimeḥvasen-nniḍen i yessuteren izerfan-nsen s talwit, neɣ ad d-arun di kra n lkaɣeḍ isemawen n yimeɣnasen-agi, syin ad ɣi-d-aznen tiwlafin-nsen ɣer tansa-nneɣ.

D tigawt swayes i nezmer ad n-ssifsus taɛkemt ɣef twaculin n yinekraf n tlelli, d Teqvaylit.

Akken yeqqaṛ-as unaẓur deg wawal-is: « Win iteddun ɣef tidet yessawaḍ ». Ihi afud deg ufus, ɣef Teqvaylit ad nesfeḍ ammus.

[email protected]
SIWEL 100940 MAR 21