Taqvaylit

Awal γef Karim Beca, anaẓur n At Dwala

TIZILIT (SIWEL) – Mačči d yiwen n ucennay neγ d sin i d-tefka temnaḍt n At Dwala ireffden anay n cna n Teqbaylit. Yal yiwen deg-sen abrid i d-yenjer, yal wa amek i d-yefka tamusni-s i usnerni n tezlit. Gar-asen yella ucennay Karim Beca.

Karim Beca ilul deg taddart n Ugemmun, tamnaḍt n At Dwala. Asmi yesɛa 13 n yiseggasen deg tudert-is yebda izdeγ-it uẓawan. Deg tagara n useggas n 1982 yuli-d i tikkelt tamezwarut γef usayes. Syin i yebda amecwar-is deg cna. Yezga icennu deg taddart γer tayeḍ. Maca tasfift-is tamenzut yessuffeγ-itt-id deg useggas n 1992.

Ar tura Karim yessuffeγ-d 06 n tesfifin d yiḍebsiyen. Tasfift-is tamenzut yessekels-itt deg useggas n 1991, asmi rrebrab yesseγli-d tugdi deg uzal aqayli, asmi at tezṛigin tekcem-iten tergagayt.

Karim d win i d-yugmen sγur waṭas n yicennayen d yinaẓuren n temnaḍt-is, gar-asen Ccix Lḥesnawi d unaẓur amḥaddi Meɛtub Lwennas iy-as yefkan tabγest i wakken ad yeddu deg ubrid iweqmen deg unnar-agi n tezlit.

Karim am netta am xilla n yicennayen, icennu γef waṭas n tlufa i yecban: tayri, tamurt, timetti d yiγeblan-is, d temsal-nniḍen. Ma d aγanib i d-yewwi imal γer ceɛbi atrar akked kra n lfulklur.

Tisfifin d yiḍebsiyen n Karim Beca:

  • Tasfift Tamenzut deg, 1992
  • Tinebgit deg, 1994
  • Hubaγ lferḥ, deg 1997
  • Tamsalt n Lwennas, deg 1999
  • Udem n tafat, deg 2004
  • Lmuja n tayri, deg 2010

Akli Muhubi
SIWEL 261203 Jul 17 UTC

Partager ceci...
Awal γef Karim Beca, anaẓur n At Dwala
Click to comment

You must be logged in to post a comment Login

Leave a Reply

Haut