Taqvaylit

Asfuggel n wass agreγlan n tmeṭṭut deg Marsay, sγur S.F.K

MARSAY (SIWEL) —I lmend n wass agerγlan n tmeṭṭut, i d-yettuγalen yal aseggas, deg ass n ṭam (08) deg ayyur n meγres, xilla n tuddsiwin d tdukkliwin timmaḍlanin s umata, d tid n Teqbaylit ladγa, ttmagaren-t ass-nni s lficṭat yemgaraden. Ladγa aseggas-a Tamsetlelt Tafransist-Taqbaylit (Solidarité France Kabylie), i d-ilulen deg tagara n useggas n 2016, thegga-d yiwen n leqdic d amerkanti, ar ad d-yilin deg ass n 11 deg ayyur-a n meγres deg temdint n Marseille.

Ahil n leqdic yebḍa γef sin n yiḥricen, ad yebdu seg 19:00 γer 20:30, s uzwel « Tajmilt i tmeṭṭut », akken daγen ara d yili wawal γer kra n yinebgawen. Ma d aḥric wis  sin yettunefk i uẓawan, ad yebdu seg 21h ad yekfu γef 00:00h, anda ara yecnu Ʃli n Weɛli, Yunes, Gluṛya, Belɛid, Ʃli Γani, Nadir, akked Ugraw n S.F.K.

Takcumi γer tzeqqa n tmeγra, ad tesqam s 10 euros i yimeqranen, ma d arrac yesɛan ddaw n 12 n yiseggasen deg tudert-nsen, takcumi-nsen texlleṣ sγur S.F.K. wid tid terza temsalt, hatta tansa n wadeg n lficṭa :     40 Avenue de la rosière 13012 Marseille (métro la fourragère).

I usmekti, tudds-ya n S.F.K γas akken d tamaynut i d-tlul, tban-d deg leqdic-ines azedgan i uḥraz n tnekkit, tenc-d yakan aselway n G.P.K, mass Ferḥat Mhenni, anda iga yiwen n usarag s wazal-is. Afud igerzen i yal tuddsa, tadukkli, amdan, i yekkaten s tezdeg n wul d wallaγ i usnerni n tjaddit-ines.

Akli Muhubi
SIWEL 101700 Mar 17

Partager ceci...
Asfuggel n wass agreγlan n tmeṭṭut deg Marsay, sγur S.F.K
Click to comment

Commenter cette publication...

Haut