Asefru γef umennuγ n ugdud Aqbayli, sγur Massinissa M

ADLES (SIWEL) — Timetti Taqbaylit yellan d tamzarugt aṭas aya, teγli i tikelt tamenzut deg useggas n 1857, truḥ-as timunent-ines deg useggas n 1871, zdat umnekcam afransis. Ihi ass-a yewwi-d γef Yiqbayliyen ad refden anay n umennuγ γef tlisa-nsen, ad ɛeqlen iman-nsen, ad cfun γef yirgazen d lxalat yettwanγan, d waṭas n temsal γezzifen mačči d kra. Γef waya ilemẓi ameγnas-amedyaz Massinissa M, seg temnaḍt n Tezmalt, yefka-d tamuγli-s, d tifrat i uγref-ines, i wakken ad yessukes iman-is seg ddel deg yettexbibiḍ.

Timunent d ddwa i tsuta n Teqbaylit n uzekka, i wakken ad teffeγ seg temharsa, n ddewla n lbacaγa. D aya kan i yezemren ad yerf-d imal n tarwa n twacult yugin kennu.

 

Nekkred tura dayen n-faq
Ad neḥyu taqbaylit
iṭij fell-aneɣ ad d-icraq
ad niḍir di liser d talwit
tamurt ad tt-ncerreg ad tt-nefraq
Ad neffaɣ si yir targit
taεerbubt a tt-nesseεraq
tutlayt-iw i d tanslit
taεerbubt ad tt-nesseεraq
D taqbaylit i d tajadit

Dwa-s yena-t-id Lwennas
akki-t a tarwa n lḥif
Ferhat yettnaɣ fell-as
netta yečča-t-id nnif
Tamurt ad s-nexḍem tilas
aεrab ad t-nerr di rrif
mmis ad yuɣal ɣer yemma-s
dda Lmulud ad yekkes aɣilif
mmis ad yuɣal ɣer yemma-s
iεdawen-is assen ad ten-yif

Nukni yid-wen dayen
Aṭas iεebbant tuyat
nukni d kunwi mačči d yiwen
nemxallaf leεqlyat
d imaziɣen nukni d ihruren
Ma d kunwi tbeddlem tutlayt
leqbayel ad dduklen
yid-wen d lefraq i d tifrat
leqbayel ad dduklen
di tlam ad d-tban tafat

Anay-nneɣ ad yeflali
ad d-nban ger tmura
akken i ɣ-yehwa ad nili
Deg leǧnas ur nesqeḍ ara
ad isεu azal weqbayli
atas i yesber i tmara
tagmatt d lwajeb ad tili
Amcum ad s-nesseεreq ljara
tagmatt d lwajeb ad tili
Taεdawt gar-anaɣ ur tettiḍir ara

 
Massinissa M
SIWEL 190043 Mar 17

Laisser un commentaire