Taqvaylit

« Asebbaγ » d ungal wis sin n umedyaz-amaru Ḥusin Luni, i d-tefka taddart n At Ʃṭella

TASEKLA (SIWEL) — Simmal yettnerni uswir n tira s Teqvaylit, acku iseggasen-a ineggura, aṭas n yilemẓiyen d tlemẓiyin refden(t) imru-nsen(t) u veg-sen(t) ad ssidren(t) tutlayt-nsen(t), gar-asen ilemẓi Ḥusin Luni.

Deg ussan yezrin i d-yuγal yilemẓi Ḥusin Lunis s wungal-is wis sin, i wumi yefka azwel « Asebbaγ », i d-yeffγen γer tezṛigin Richa Elsam n twilayt n Tizi Wezzu.
Ḥusin Luni, d mmi-s n taddart n At Ʃṭella, i yettafaren lɛerc n At Yeḥya Musa. Yewsa-d γer tudert deg ass n 11 furar 1983.

Ḥusin yevda amecwar-is di tsekla s tmedyezt, yekki deg xilla n tfaskiwin d temliliyin i d-yettilin di temnaḍin yemgaraden di tmurt (Adrar n fad, Aqvu, At Ziki, d wanda-nniḍen). Ungal-is amenzu yessazṛeg-it-id deg 2013.

Yewwi arraz amenzu deg tezṛigt tamenzut i d-tessuddes tesveddit takanadit Tiregwa, arraz n tullisin Belɛid At Ʃli n useggas 2013. Akken daγ i yefka azal i tsuqilt. D aya i t-yewwin ad yer « Le Prophète » n Ğebran Xalil Ğebran γer teqvaylit.

Γef usteqsi « acimi ur d-tessuffuγeḍ ara ammud n tmedyezt, yerna txedmeḍ isefra ackiten ? » Tiririt n Ḥusin d ta : « deg useggas n 2009 i yefkiγ ammud-iw n tmedyezt i yiwen umazṛag, yenna-d ad tid ssufγeγ, seg yimiren γer da atan sazeṛgeγ-d 4 n yidlisen, ma d ammud-nni atan ur ivan i melmi … »

Kunwi kunemti yettnadin idlisen-is, ad tentafem(t) ttnuzen deg tnedlisin n Vgayet, Tuviret, Tizi wezzu, d wanda-nniḍen.

Idlisen i d-yessuffeγ ar tura:

  • « Tfuk ur tfuk ara » ungal, deg 2013.
  • « Nnbi » d tasuqilt γer Teqvaylit n ‘’Le Prophète’’ n Ğebran Xalil Ğebran, 2014.
  • « Seddaw n treccact » ammud n tullisin, deg 2015.
  • « Asebbaγ » ungal, deg 2017.

Akli Muhubi
SIWEL 251259 Sep 17 UTC

Partager ceci...
« Asebbaγ » d ungal wis sin n umedyaz-amaru Ḥusin Luni, i d-tefka taddart n At Ʃṭella
Click to comment

You must be logged in to post a comment Login

Leave a Reply

Haut