AMESKAR-IMSIẒREG TARIQ ǦERRUD ƔER YIDIS N UMEƔNAS LWENNAS ḤEMZI

TAMURT TAQVAYLIT (SIWEL) — Deg wussan-agi yezrin ameskar-imsiẓreg Tariq ǦERRUD, ula d netta iveggen-d iveddi-ines ɣer yidis n umeɣnas amunan Lwennas Ḥemzi, i iḥves udavu amharsan.

Mass Ǧerrud, yura aṭas n yimagraden (Articles) s tefransist, tugett seg-sen ffɣen-d deg kra n yiɣmisen, yessuffeɣ-d ddeqs n yidlisen, gar-asen ungalen, anadi, d wayen-nniḍen. Akken daɣ i yella d aqeṛṛu n uxxam n teẓrigin « TAFAT ».

Nessaram d akken mazal imeskaren, d yinaẓuren-nniḍen ad d-vedden ula d nitni ɣer tama n umeɣnas Lwennas Ḥemzi, d yimeḥvas n tikta, d wid yettnaɣen s talwit. Tanemmirt i mass Ǧerrud. Tanemmirt i mass Anẓar i d-yeṭṭfen tawlaft-agi.

I usmekti, Lwennas Ḥemzi, yettwaḥves deg wass n 06 di tuveṛ 2020, ar tura ur icuṛeɛ ara. Seg yimir-nni aṭas n tikliwin d yigrawen i d-yeḍran di yal tama n tmurt Taqvaylit, Fransa, Kanada, d wanda-nniḍen, i usuter n tlelli-nsen, maca adavu azzayri d win yesɛuẓẓugen i tiɣri n ugdud yeffuden tilelli.

[email protected]
SIWEL 072010 AVR 21