Taqvaylit

Amaynut deg tsekla : « Le montagnard au grand nez » d ungal amenzu n Zubir Zerarga

TASEKLA (SIWEL) — Deg ussan-a yezrin, i d-yessuffeγ uneγmas-ameγnas Zubir Zerarga ungal-ines amenzu, s tutlayt tafransist, iwemi yefka azwel « Le montagnard au grand nez », γer tezṛigin Asirem n umaru Malek Menic, deg Tubiret.

Zubir Zerarga d mmi-s n taddart n Wağiwen (Ağiwen), i d-yezgan deg temnaḍt n Xerrata, deg usammar n tmurt n Yiqbayliyen. Seg temẓi-s i ḥemmel tira, d aya i t-yeğğan ad yaru ayen din n yimagraden, deg uγmis n trisiti « Le Matin.dz », anda i d-yewwi awal γef waṭas n yisental, gar-asent : timetti, tasertit, idles d wayen-nniḍen, yexdem ayen din yisefra s teqbaylit. Rnu γer waya mas Zubir d ameγnas n yizerfan n umdan akked taluft taqbaylit.

Ungal « Le montagnard au grand nez », d azwel n udlis amezwaru n mas Zubir Zerarga, yeffeγ-d γer tezṛigin Asirem n Tubiret. Yebḍa γef 15 n yiḥricen d 113 n yisebtar.

D ungal ara d-tafem yettnuzu deg tanedlist Ɛellik deg Xerrata, tanedlist Zaydi deg uweqas, tanedlist Summam deg iγrem n Bgayet, Tubiret deg uxxam n teẓrigin Asirem, Tizi wezzu deg tnedlist Ccix, Iɛeẓẓugen deg tnedlist Reḥmun, Aqbu deg tanedlist Muḥend Uharun, akked ticci.

Ungal-a yehda-t umaru i twacult-is, akken daγ i t-yefka d tajmilt i yimeγrasen n taluft n 1963-1965, i Taher Ğawut d Saɛid Meqbel, d wiyaḍ yal yiwen s yisem-is.

Wid yebγan adlis-a, neγ i wugar n yisallen, ad aznen γer usebter n umaru deg uẓeṭṭa n faysbub.

Akli Muhubi
SIWEL 152219 Jul 17 UTC

Partager ceci...
Amaynut deg tsekla : « Le montagnard au grand nez » d ungal amenzu n Zubir Zerarga
Click to comment

You must be logged in to post a comment Login

Leave a Reply

Haut