Amaynut deg tsekla: Isegni n umeγnas-amaru Racid Ḥiṭuc

TASEKLA (SIWEL) – Deg ussan i d-it-ddun ad tafem adlis amezwaru s tutlayt Taqbaylit n mass Racid Ḥiṭuc, iwemi yefka azwel ‘’ISEGNI‘’, d ammud n tlufa. Yeffeγ-d γer teẓrigin La Pensée.

Anwa i d-mass Racid Ḥiṭuc ?

D mmi-s n taddart n Yiɛemrac, Racid Ḥiṭuc, ilul deg ass n 09 deg ayyur n mayu n useggas 1962, deg ugezdu n Bgayet, deg tmurt n Yiqbayliyen. Seg temẓi-s i ḥemmel ayen icudden γer yidles d tγerma n tmazγa sumata,taqbaylit ladγa.
Zik yella icennu sya γer da, yessaweḍ yesekles tasfift, d acu kan ur yessaweḍ ara a tid yessyfeγ, imi deg akud-nni xussen walallen. Yekkr-d d ameγnas akken d aleqqaq deg umussu adelsan amaziγ, yekki deg tikliwin i d-yettilin di Bgayet d Tizi Wezzu d wanda-niḍen.
Ixuleḍ aṭas n wudmawen yettnaγen γef tutlayt d yidles, tettunefk-as tegnit ad yemlil daγen xilla n yinaẓuren d yimeγnasen, gar-asen Ferḥat Mhenni d mmi-s Ameẓyan, Meɛtub Lwennas, Taher Ğaɛut, d waṭas-niḍen yal yiwen s yisem-is d leqder-is.

Rnu γer yessefra, yerra tijmilin, yella d aɛeggal deg aṭas n tdukliwin tidelsanin, iga xilla n yisaragen d temliliyin γef yidles d tnekkit. D ameγnas n yizerfan n umdan d tlelli n umeslay, ibedd γer wid yenḥafen, yura imagraden s tefransist d teqbaylit deg uγmis anda Tiγremt-La Cité.

Idlisen i d-yesaẓreg :

-L’autre moi ou la résurrection, 2006 di fransa – 2012 di tmurt (ungal)

-Confession criminelle, 2007 di fransa – 2013 di tmurt (ungal)

-Isegni, 2017 (ammud n tlufa)

SIWEL 182223 May 17 UTC

Laisser un commentaire