Amaynut deg tmedyazt taqbaylit : ammud amenzu n tlemẓit Katia Touat

TASEKLA (SIWEL) — Ijeγlalen n tudert, d ammud amenzu n yisefra  n tmedyazt taqbaylit Katia Touat, i d-yeffeγen deg ayyur-agi n meγres γer tezṛigin Ʃeccab (achab) deg tizi wezzu, iwemi tga tazwert Nasira Ʃebrus. Ammud yella deg tfaska n tmedyazt n udrar n fad deg tγiwant n ayt smaɛel, yenza s ubuddu.

Tameddurt n tmedyazt :

Katia Touat tlul ass n 11 deg unbir aseggas n 1988 deg taddart Ibekkaren n Buzgan (at wizgan) deg ugezdu n tizi wezzu, tamurt n yiqbayliyen. Timɣur-d, tedder ar assa deg taddart « Taẓrut ». Tedda deg umecwar n tɣuri armi d-tewwi agerdas Master 2 deg taɣult n génie civil aseggas n 2014. Si temẓi-s i tettaru tamedyazt. Idegger-itt ɣer sdat usebɣes n twacult d medden, ladɣa wid i s-yeslan, ama di tedwilin n rradyu, ama di tfaskiwin n tmedyazt ideg tettekka.

Arrazen tewwi :

-Arraz wis 3 deg temzizzelt n tmedyazt Matoub Lounes deg Tewrirt Musa/Tizi Wezzu, 2011.

– Arraz n tebɣest deg temlilit n tmedyazt n Weqbu/Bgayet, 2011.

-Arraz wis sin deg tfaska taɣelnawt n tmedyazt tamaziɣt « Adrar n Fad », deg At Smaɛel/ Bgayet, 2012.

-Arraz n tmedyazt n tlawin di temlilit n tmedyazt n Weqbu/Bgayet, 2014.

-Arraz amezwaru (Prix Mouloud Mammeri) di tfaska taɣelnawt n tmedyazt tamaziɣt « Adrar n Fad », deg At Smaɛel/ Bgayet, 2015.

Tanemmirt i umaru, Ḥusin Luni, γef  yisallen i d-yefka. Afud igerrzn i wid d tid yečča wulawen-nsen (t) γef tnekkit d yidles-nsen (t), ansuf s wayen yelhan i lebni n yimal n teqbaylit

Muhubi Akli
SIWEL 311240 Mar 17

Laisser un commentaire