PARIS (SIWEL) — Deg ass n umenzu n wayyur n tuber 2017, ad tuɣal yiwet n tejmilt s wazal-is i ucennay n tezlit Taqvaylit « Karim Tizuyar » deg tzeqqa « Salle la Belle Etoile ».

Deg tmeɣra-a xilla n yicennayen iqvayliyen ara yekkin, tugget deg-sen d imdukan n ucennay, gar-asen: tacennayt Malika Yami, Σli Ferḥati, Crif Ḥamani, Racid Mesbaḥi, Ḥsen Σeǧrud, Muḥ Smaɛil, Agraw Amzik, Racid Xeddim, d waṭas-nniḍen.

Takcumi ad tili s 15€, ma d tameɣra ad tevdu ɣef 15 n tmeddit, i wugar n yisallen, siwel-t ɣer wuṭṭunen-agi: 06 46 42 35 81 neɣ 06 78 96 24 60.

Akli Muhubi
SIWEL 182027 Sep 17 UTC