07 N YISEGGASEN ƔEF LMUT N UMEƔNAS « MASSENSSEN AGRAWLIW »

AQVU (SIWEL) — Ass yeṭṭafar ass, aseggas deffir n gma-s, armi zemmen sevɛa n yiseggasen ɣef tmettant n umeɣnas Aqvayli Saɛid IDIR, i ifkan i yiman-is isem « Massenssen AGRAWLIW ». S yisem-agi i yettwassen ɣer yimeɣnasen, d Yiqvayliyen, ama deg unnar neɣ deg uẓeṭṭa n Facebook.

Saɛid IDIR neɣ « Massenssen AGRAWLIW » akken i iḥemmel ad as-sawalen medden, ilul deg wass n 16 deg wayyur n ctambeṛ n useggas 1991, yemmut deg wass n 08 deg yevrir n useggas 2014, ɣef teɣzi n 23 n yiseggasen.

Massenssen AGRAWLIW, d yiwen seg yimeɣnasen Iqvayliyen, i ikkin deg umussu n Ufraniman n Tmurt Taqvaylit « MAK ». Akken daɣ i yella d aɛeggal deg tuqqna MAK-AQVU.

Saɛid IDIR, d win iqedcen aṭas ɣef taluft Taqvaylit, deg tudert-is yekki akk deg tigawin i ɣer i d-yessawel umussu « MAK ».

S kra n wanida yella leqdic yettṛuḥu, ur yeǧǧi tamnaḍt deg tmurt n Yiqvayliyen. Yelḥa di Vgayet, Tizi, d tamiwin-nniḍen, yekki deg usuddes n xilla n temliliyin, tikliwin, yessawel i Yiqvayliyen ɣer tdukli, yennuɣ ɣef tlelli… Yezga d anaḍeḥ armi i t-yewwi wass-is.

Ad as-iniɣ i gma ameɣnas Massenssen Agrawliw, azref agraɣlan i ɣef tennuɣeḍ, ɣer yiwen n wass nezmer ad d-tnaweḍ, tamurt Taqvaylit tamunant i tessarmeḍ, ur telli d awezɣi, ad t-nsiweḍ.

Sgunfu deg talwit ay ameɣnas, isem-ik i levda ur ten-tettu, Taqvaylit fell-ak ad ak-tecfu, amussu-ik n MAK ɣer ɣur-k ad d-irzu, deg uvrid-ik aqlaɣ neddu

Ar tufa a mmi-s n Tefrit.

SIWEL 080950 AVR 21