05 ISEGGASEN INEṬṬQEN S LḤEVS MGAL SOFYAN   BABASI

TAMURT TAQVAYLIT (SIWEL) — Ass-a 11 yennayer 2021 iεedda umeɣnas Sufyan Babasi deg teɣdemt tamhersant di Burǧ Mnayel di Bumerdas. Akken i t-id-εawden imastanen-is  Kader Ḥewali akked Sufyan Dekkal, fkan-as 05 iseggasen d lḥevs d 100 000 da d tafgurt ( leɣrama). Yetturaju ad teffeɣ  tririt taneggarut i wass 25/01/2021. 

Sufyan Babasi, d ameɣnas n umussu n ufran-iman, yettwaḥves yerna yettwawet  daxel uxxam n tmsulta n Leεziv ass 26/11/2019 anda i t-rran ɣer lḥevs,  syin yella-d userraḥ-ines deg  leεṭil ass 02 yennayer 2020. 

Iεedda useggas seg mi i d-yeffeɣ deg lḥevs, yuɣal i tikkelt nniḍen  ɣer teɣdemt tazzayrit tamhersant, sbuben-as d win yebɣan ad yebḍun tamurt.

Sufyan Babasi, d ameɣnas n yiseɣ, ur yukir ur yenɣi, amennuɣ-is d amennuɣ s talwit ɣef yizerfan-is.

Am@sin
SIWEL 112220 JAN 21

Partager ceci...