TAMURT TAQVAYLIT (SIWEL) — Akken i yuzzel wawal taggara-ayi akked wayen i d-yeffɣen sɣur taneɣlaft n temḥeddit tamhersant tazzayrit deg ulɣu i d-suffeɣ ɣef umussu n ufraniman n tmurt Taqvaylit belli d amussu i yettheyyin leqdic arabrab. Aṭas n yiqvayliyen d teqvayliyen i d-isenden ɣer tama umussu MAK i yecvan irgazen d yimeɣnasen n tugdut am Ǧamal Zennati i d-ivedden ɣer yidis n umussu MAK akken i t-id-yura deg uẓeṭṭa ametti facebook is : » Je suis MAK »
Ǧamal Zennati, s yisem-is d ameɣnas asertan d tugdut, d yiwen uεeggal aqdim deg umussu FFS, d yiwen daɣen gar wudmawen imeqqran iqeddcen deg umussu adelsan Amaziɣ MCB.
Iveddi n Ǧamal Zennati ɣer yidis umussu, d tagmat i d-yeffɣen deg rruḥ n Teqvaylit, yefka-d afud i tddukkli n tidet gar tarwa n Teqvaylit. Dayen ara yeẓţen idamen gar yiqvayliyen d teqvaylin mgal tasertit udavu amhersan.
Akken qqaren leqvayel: » Deg tegnatin n ddiq i d-yettvan urfiq. »
Ur ntettu ara daɣen, Ǧamal Zennati, yella di tikli n 20 yevrir iεeddan anda yerfed anay aqvayli s zzuɣ d tfenṭazit netta akked mass Brahiti.
SIWEL 281230 AVR 21