Ass n tutlayt tayemmatt di Marsay.

22/02/2016 - 18:22

MARSEILLE (SIWEL) — Ass n lḥedd 21 furar ɣef 2 tamert (heures), tidukla Fransa –tamurt Taqvaylit (AFK) theyya-d yiwet n temlilit deg tzeqqa n 47 rue de la Joliette, i leqdič adelsan yeεnan tullayt tayemmat Taqvaylit.


Ass n tutlayt tayemmatt di Marsay.
Deg temlilit-a tella-d tɣuri n yiḍṛisen, inzan, timseεraq, timacuha d ccna n tezlatin. Inelmaden d tnelmadin n AFK farsen taswiεt akken ad rnun ad lemden ugar, akken daɣen ad seknen ayen i lemden deg temsirin n yal ssebt.

Mlalen iqvayliyen d teqvayliyen mezzi meqqer. Ahat azal n 20 imdanen i d-yusan gar asen nna wiza deg tudert-is 96 iseggasen, yella-d daɣen ucennay Ghani ak d umedyaz Hafid.

Imdebren n AFK ssuǧden-d tizlatin d iḍrisen, uran-ten deg isebtaren akken ad yishil ccna d turiɣ nnsen.

Merra wid i d-yusan ferḥen atas imi sεeddan taswiεt telha s usmekti n yidles d tulayt taqvaylit tayemmat-nnsen. Ɣran timucuha d inzan, cnan tizlatin n Maεtub, Ferhat, Idir, At Mengellat, Chrif Xeddam....atg.

Kader DAHDAH

SIWEL 221822 FEV 16



Kabylie | Afrique du nord | Politique | International | Sport | Culture | Economie / Finances | Sciences Tech



Recherche

Dépêches en continu